copycat comandante C40 grinder

 from facebook

尋日朋友話係強國網上買左支C40，重要係斑馬木，話要拎嚟同我炫耀下，咁咪拎過嚟我到開箱囉。
  斑馬木都停產左好耐，重要買到全新，重要係強國網，佢話買左二千四人仔，我當然半信半疑，見到面拎上手都好重手下，紙盒都算幾真，都幾結實，印刷都唔覺有太大問題，打開盒先開始覺得唔對路（圖1-14開箱圖）。
-1號圖，招紙貼得有d皺，但印刷都算幾清晰。

-2、3號圖，打開就爛左。

-4、5號圖，玻璃樽色澤、材質明顯有問題。

-7同9號係片，一定要聽下啲聲，好怪。

-8號圖，可以睇到冚蓋後，好大條罅。

-10號圖睇到，9號條片扭左幾下，不停有碎跌出黎。

-11號圖，拎出黎就花曬。

-12、13號圖，本身印刷品質數都高，但對番正版個張唔會有黑色油墨跡。

-14號圖，主體Logo係焫落去，有凹凸感，之後用正版對比，先發現問題。  立刻拎支正版出黎比對下。

-15-19號圖，如果無正版盒係手，就咁拎住個假盒都可能呃到下人，但真盒一拎上手，非常硬正，敲落去感覺好唔同。

 

 

-20-25號圖，基本重量無太大分別，假貨手柄比較重，正版高度比較多一點點。

-26-30號圖，透明、茶色粉杯一比之下就睇得出分別，正版比較通透、清晰，玻璃瓶品質高。

-31-33號圖，手柄膠片位有花、有明顯水口位，正版無水口，好平滑，木柄和連接轉軸位置都有所不同。

-34號片，正版磁力強，手柄好穩陣，假貨倒轉就跌出嚟，連磁石都甩埋（35號圖）。

-36-37號圖，歸零後正版手柄會卡住，假貨由於磁石位置甩咗，所以鎖唔住。

-38-39號圖，塑膠位置標誌以及文字正版都比較突顯、清晰。

-40號圖，未用內膽就有多處刮花。

-41-44號圖，驟眼睇真係好似，螺絲都跟都幾足，但網上搵左好多圖睇過，基本上文字同刀邊都會有距離，假野比較貼。

-45號圖，刀頭格數卡位用嘅孔，開箱個時扭左幾下已經有碎屑跌出嚟，放大睇更明顯睇到分別，正版手工好好，假野好似月球坑咁。

-46-47號圖，46正版歸零後好平，47扭到好盡，歸零唔順暢，有少許凸起。

 

-48號片，調節格數聲音，都唔洗講，一聽就知大問題

-49-50號圖，假貨膠料位置明顯水口，螺絲也有分別。

-51-52號圖，正版刀頭用左成年都好新，假貨扭左半日都無，就刮左個圈出黎蝕曬，鋼水差。

 

-53-56號圖，木面Logo雖然都做到好真，但都搵到分別，最明顯係C、O、E字型，再搵唔同嘅班馬木嘅圖對比下，E字係比較明顯唔同。

 

-57-59號圖，兩支對比下，驟眼睇真係呃到人。

 

  總結，如果唔係有用過正版，普通鳩友又對器材無咩認識，我唸真係會比佢呃到，外觀上都有8、9成似，加上都重手，拎起唔覺有咩問題，要用落先知中伏！刀盤鋼水差，係好明顯嘅分別。上網睇過，幾款色都有假貨，相信依批已經係“進化版‘’，因為第一代本體上Logo喺印落去，同埋刀盤調節位d英文字用丙酮係可以抹到黑色，但朋友向買家投訴假貨時，賣家不斷叫朋友用丙酮測試，無視朋友指出的其他問題，所以更加相信依支係“進化版”，再抹丙酮應該都唔會甩色。
  由於朋友同賣家爭議一番後，賣家都願以退貨退款，所以無拎黎做磨豆測試！希望無現貨流咗黎香港賣啦，大家去番啲有信譽嘅店舖買就最安全，如果網上買，交收時都檢查清楚呀！