【提防大台重現，好緊要，請細心睇！】 以劉細良同蕭若元為首、聯同一眾傳統飯民舊電池，以「成立民間研究資料中心」為名，打算響抗爭運動重建大台，成班政棍，除左眾志呢幾日起緊壇，仲有民陣解散軍、難民之父張超雄、長毛+村長+吳文遠😵、白頭佬、小麗，麻煩大家醒水‼️ 拜託，唔好再同呢班舊電池糾纏質疑呢個果個有咩背後動機，宜家先將幾個大台派嘅講法，逐點擊破： 1. 有獨立思考🧠做乜咁驚大台？ -呢個係大台支持者最鍾意用嘅詭辯，亦最需要嚴正駁斥！ -當日金鐘大台我地已見識過，飯民同壹傳媒點樣利用自身嘅傳播影響力同知名度壟斷話語權，騎劫一成功，就會開始自把自為。 -而當有人質疑佢地自把自為時，佢地就會話：「你咁唔滿意就自己起番個大台」 2. 大台只係和理非果邊起🎗勇武點解唔可以「各有各做」？ -問題係而家好多鼓吹起大台嘅飯民政客學者評論員，都係表示運動經已日漸失控，所以先要起番個大台制肘勇武派嘅激烈抗爭 -簡單黎講，就係要奪成個抗爭嘅主導權、係要叉隻腳埋黎：咁叫乜撚嘢「兄弟爬山，各自努力」？ 3. 而家所謂大台設立只係負責統籌物資，搜集被捕人士資料✋🏻同爭奪指揮權無關 -假若大台只為作為一般性嘅統籌工作，咁大把義工經已做緊啦，駛Ｑ你成立個大台去搞？ -劉細良同一班飯民舊電池開完會後，第二日就由當中嘅成員張達明、鍾劍華成立嘅「學術自由學者聯盟」發表「時代革命唔係真係革命」嘅聲明⋯⋯政治唔係人玩就係咁解‼️ 4. 如果大台係真係有相當民意支持成立😮你阻止佢咪有違民主原則囉 -而家根本就無一個成熟嘅民主機制，今時今日掛住民主名號嘅支聯會同民陣，有無容許過一般人參與，有無尊重過少數派嘅質疑、甚至組成過程有邊忽係民主？ -大台好自然就會成為一個多數迫害少數嘅機制，就好似當日「飯民大台」走去孤立班本土派一樣。 5. 如果擔心政客騎劫大台，可以委任專業人士例如律師、學者、醫生作為代表（🤡）亦可邀請勇武派同年輕人 -呢個建議最好笑，即係當我地咁反對功能組別嘅時候，又竟然有人想響抗爭運動入面引入「功能組別」！點解只有專業人士可以成為大台成員而其他職業唔得？講得出呢個提議嘅人簡直係白痴！ -然後話容許勇武派同年輕人加入大台，亦係出於對成場抗爭嘅無知：喂，成場抗爭，邊撚度可以搵幾個代表出黎可以call得郁所有年青人呀？ 6. ...